Gidan uncle part 1
"Gidan Uncle" follows the story of a young girl named Asma'ul Husna, who is overjoyed to stay with her Uncle Mudassir while her parents attend a conference in Amsterdam. At only seventeen, Asma'u is thrilled by the prospect of living with her uncle, aunt Salma, and their four-year-old twins, Amir and Amira, in Lagos.
Asma'u loves spending time at her uncle's house because she is treated with great affection and gets everything she wants. Unlike her strict home environment, she enjoys freedom, indulges in her favorite activities, and explores exciting places in Lagos.
Asma'u's enthusiasm is evident as she prepares for her trip, packing her bags and making lists of movies she plans to watch. Her excitement continues upon arrival, where she is warmly welcomed and taken to a beach outing and a movie theater on her first day.
The story beautifully captures the contrasting dynamics between Asma'u's disciplined home life and the indulgent, carefree environment at her uncle's house. It highlights her excitement and the loving relationship she shares with her extended family, making it a heartwarming and engaging read.
Uncle Mudassir ka siyo min chocolate!
ka siyo min burger!
Uncle Mudassir Pizza zaka siyo min!
Cold Stone ice cream nake so..
Uncle Mudassir !
!.. iPhone 13 pro!..
Uncle Mudassir !..
Firgigit ta farka daga mafarkin data keyi bayan barci ya ɗauke ta da rana tsaka. Asma'ul Husna kenan, yarinya ce wacce bata fi shekaru goma sha bakwai na haihuwa ba, tun sa'ilin da mahaifanta suka shaida mata cewar zasu mayar da ita can gidan uncle ɗinta watau uncle Mudassir sakamakon wani taron gaggawa daya taso musu a can birnin Amsterdam dake ƙasar Holland. Taron lauyoyi ne da za'a gabatar har na tsahon mako guda kuma iyayen Asma'u suna cikin waɗanda zasu wakilci ƙasa Najeriya, a matsayin su na SAN's. Kasancewar iyayen nata duka lauyoyi ne, kuma a lauyoyin ma waɗanda ake gogawa dasu. Iyayen Asma'u basu haɗa komai da aikinsu ba. A ire iren rashin samun lokacin su ne har ita Asma'un tafi sabo da ƙanin mahaifinta wato uncle Mudassir.
Lokacin da iyayenta suka shaida mata tafiyar da zasu yi da kuma komawar ta gidan uncle ɗin nata, sai ta shiga farin ciki matuƙa. Uncle Mudassir dai yana zaune ne acan garin ikko, ikko ikon Allah, cunkus kenan ɗakin tsumma!.. Uncle Mudassir dai ɗan chanji ne acan garin na Legas inda yake zaune da matarsa ɗaya Salma da ƴaƴan su tagwaye ƴan shekara huɗu amir da amira.
A ire iren zaman da Asma'u tayi a gidan uncle ɗinta a duk lokacin da iyayenta suka yi tafiyar dogon zango ba ƙaramin gata ake nuna mata ba a gidan. Daga uncle Mudassir har matarsa Salma babu wanda baya ji da ita. A duk lokacin da take garin Lagos to fa haka za suyi ta nan nan da ita, duk abinda Asma'u take so haka ake siyo mata shi komai tsadarsa, haka kuma duk wasu wurare da Asma'u take son ziyara a garin legas tofa babu makawa zasu kaita. Shiyasa koda hutun makaranta aka yi to burin Asma'u ne taga ta cinye hutun ta tare da tagwaye amir da amira a can Lagos gidan uncle Mudassir.
Nisawa Asma'u tayi sannan ta diro daga kan sofa ɗin da take ta buɗe bag pack ɗinta ta ɗauko biro da jotter sannan ta dawo ta zauna ta fara rubuta list ɗin sabbin fina finan da take son gani a cinema a satin data dira a lagos. Nan fa Asma'u ta riƙa zayyano sabbin fina finan amurka irin su death pool and wolverine, terrifier 3, venom the last dance... haka dai ta cigaba da rattabo su a dogon list ɗinta tamkar abinda zai kai ta lagos kenan.
Idan Asma'u na gidansu to akwai ƙa'ida ta lokacin yin bacci, Asma'u bata isa ta haura ƙarfe tara na dare tana kallo ba matuƙar akwai makaranta amma idan a gidan uncle Mudassir ne Asma'u tasha kwana tana kallo ba tare data runtsa ba. Haka kuma abinda take so shi zata ci da duk dai wasu misalai na sake da take samu wanda bata samu idan a gida take. Irin waɗannan jin daɗin take tunawa take kuma jin kamar ta janyo safiyar gobe sai dai kuma gashi yanzu ƙarfe uku ne na rana. Da Asma'u taga dai lissafin ta ba zai ƙare ba kawai sai ta jawo jakarta ta trolley ta fara haɗa kayan ta na tafiya. Abinda Asma'u bata sani ba shine tana can tana wannan ci-da-zucin nata akan tafiya lagos gobe mahaifiyar ta ta shigo ɗakin ta. Saboda tsabar hankali da tunanin ta sunyi nisan kiwo sam bata ma ji shigowar mummy ba, gararin gabanta kawai taci gaba dayi.
Gidan uncle part 2
Mummy Zainab dai mutuwar tsaye tayi tana ƙarewa ƴarta kallo, koda yake mummyn tana sane da irin taɓarar da ƴar tata take zubawa a duka lokacin data samu kanta a can amma kuma ganin yanda Asma'u take haɗa kayan tafiyar ta ba tare da taji koda motsin shigowarta ba, hakan ne yasa mommyn fahimtar cewa lallai idan basu yi da gaske ba, wata rana Asma'u zata iya saka darun cewa ita gun uncle ɗin nata zata koma din din din!.. Ganin cewar Asma'u fa bata san da ita a wurin bane yasa mummyn yin gyaran murya.
Asma'u na ɗaga kai sai taga mahaifiyarta tsaye a kanta ta ƙura mata idanu. Ita dai mahaifiyar Asma'u mamaki take na yadda ƴarta ta dage da gaske haɗa kaya take duk kuwa da sanin cewar idan taje lagos ɗin ma kayan sawar ta nacan sunfi na nan yawa.
"Mummy_ina_haɗa_kayan_karatu_na_nefa saboda_in_case_baku_dawo_on_time ba_kar lectures_suyi_nisa_bana_karatu..
Wani kallo mommyn ta watsa mata bayan ta nuna mata list ɗin sabbin fina finan data gama rubutawa amma ta mance bata ɗauke ba saboda tsabar murna. Ganin cewar mommyn ta riga ta kama ta, kawai sai tasa hannayenta biyu ta rufe fuska tana dariya, mommyn kuwa ficewarta tayi tana faɗin Allah Ya shirya min ke!
*****
Tunda jirgin su Asma'u ya tashi zuwa birnin ikko bata runtsa ba, ji take kamar wannan ne karon farko na zuwanta gidan uncle ɗin nata. Ƙila saboda ta jima bata je bane take ta wannan ɗokin. Awa biyu da ɗan motsi ne ya kawo su filin jirgi na Murtala Muhammad dake legas bayan Asma'u ta fito zuwa arrivals babu ɓata lokaci idanunta suka hasko mata ƴan tagwayen ƙannenta amir da amira daga gefen su kuma uncle Mudassir ne da aunty Salma suna ta zuba mata murmushi haɗe da waving ɗinta, ai da gudu ta ƙarasa suka ruƙunƙume junansu suna kyakyata dariya sai kallonsu ake a farfajiyar airport ɗin amma basu ma san anayi ba.
Gidan uncle part 3
Daga filin jirgin nan bayan su uncle Mudassir sun ɗauki Asma'u basu zame ko ina ba sai bar beach, wato wurin shaƙatawar bakin teku dake can Victoria Island dama ashe sunyi booking na wata bukkar shaƙatawa wato hut, ba domin komai ba sai don ayi wa Asma'u ƴar ƙaramar liyafar zuwanta garin legas, anan suka ci suka sha suka hau kwale kwale a cikin ruwa, suka kuma hau dawaki, ba sune suka bar wannan bakin tekun ba sai wuraren ƙarfe takwas na dare daga nan basu zame ko ina ba sai millenium cinema inda za'a haska sabon film ɗin nan mai taken halloween 3 suka yanki ticket suka shiga. A lokacin da aka gama kallon nan dama tuni ƴan biyu amir da amira sunyi bacci, Asma'u kuwa ta gaji liƙis sai dai kuma tsabar son yawatawa a garin legas ne ya hana ta bari su tafi gida tun daga lokacin da suka ɗauko ta daga airport. Wannan kwana kenan ɗaya tak kenan na Asma'u a garin legas gidan uncle Mudassir!..
